රාජු ප්‍ර‍භාත් ලංකාලෝක විසිනි ධනවාදය ස්ථාපිත කිරීම විසින්ම එහි ආවේනික අර්බුදය ලෝකයට හෙළි කළේය. ලාභය උපරිම කර ගැනීම මත පදනම්ව ස්ථාපිත වූ එයට එහි සැබෑ ස්වරූපය හෙළි කිරීමට වැඩි කලක් ගත නොවීය. එබැවින් ඔවුන්ට ජනතාව මුළාකොට තබා ගැනීම වෙනුවෙන් විවිධ ක්‍රමෝපායන් සෙවීමට සිදුවිය. පළමු ලෝක යුද්ධයෙන් පසු 1920 දී, ජාත්‍යන්තර ආරවුල් විසඳීම සඳහා වන සංසදයක් බව කියමින් ස්විට්සර්ලන්තයේ ජිනීවාහි එහි මූලස්ථානය සහිතව ජාතීන්ගේ සංගමය පිහිටුවන ලදී. එය ලෝක සාමය පවත්වා ගැනීම සඳහා ගොඩනැඟූ පළමු අන්තර්ජාතික සංවිධානය විය. කෙසේ වෙතත්, සංවිධානයේ ආයු කාලය වූයේ වසර විසි හයක් පමණි. එය පිහිටුවීමට යෝජනා…
