මෙම ජාත්‍යන්තර කම්කරු දිනයේදී, අපි ලොව පුරා කම්කරුවන්ගේ අරගල සහ ජයග්‍රහණ සමරමු. ඔවුහු සාධාරණ වැටුප්, ආරක්ෂිත වැඩ පරිසර සහ කම්කරු ගෞරවය සඳහා නිරන්තරයෙන් සටන් කරමින් සිටිති. මැයි දිනය යනු හුදෙක් අතීත ජයග්‍රහණ සැමරීම පමණක් නොව, ලොව පුරා වැඩ කරන ස්ථානවල පවතින බෙදුම්වාදය, අසාධාරණකම සහ පීඩනයට එරෙහිව සිදුවන නිරන්තර සටනට ඇති කැඳවීමකි.
2025 වර්ෂයේදී, කම්කරුවෝ නව අභියෝග රාශියකට —ස්වයංක්‍රීයකරණය, අස්ථාවර ගිග් ආර්ථික රැකියා, වැටුප් කප්පාදුව, සහ ශ්‍ර‍මිකයන්ගේ සංක්රමණික අයිතීන් අවහිර කිරීම් වැනි ගැටලුවලට මුහුණ දෙති. බොහෝ රටවල, රජයන් හා සමාගම් සාමූහික ගිවිසුම්, වැඩ ස්ථාන ආරක්ෂාව සහ සමාජ ආරක්ෂණ වැඩසටහන් දුර්වල කරමින් සිටී. එසේම, මිලියන ගණනක් තවමත් මූලික අයිතීන් හෝ ආරක්ෂාව නොමැතිව අනියම් අංශවල වැඩ කරති.
එසේ වුවද, සහයෝගීතාවයේ හැකියාව අඛණ්ඩව පවතී. ජීවන වැටුප් සඳහා වන වැඩ වර්ජන වලින් ආරම්භ කර, කම්කරු අයිතීන් හා ගෝලීය පාරිසරික ගැටලු අතර සම්බන්ධය හඳුනා ගන්නා ජන අරගල දක්වා, කම්කරු ව්‍යාපාරය තවමත් සමාජ වෙනසක් සඳහා බලවත් බලපෑමක් ඇති කරයි. අපි සියලුම කම්කරුවන් එනම්, සංක්රමණික කම්කරුවන්, ගෘහ සේවකයින්, කර්මාන්ත ශාලා කම්කරුවන්, ගොවීන් සහ සමාජයේ පැවැත්මට අත්‍යවශ්‍ය සේවකයින් – සමාජය ක්‍රියාත්මක කරන නමුත් බොහෝ විට අගය නොකරනු ලබන අය- සමඟ සිටිමු.
මේ මැයි දිනයේදී, අපි අපගේ ප්‍රතිඥාව නැවත තහවුරු කරමු:
* සාධාරණ වැටුප් හා රැකියා ආරක්ෂාව – සමාගම් ලාභ ලබන අතර කම්කරුවන් දරිද්‍රතාවයේ ජීවත් විය යුතු නොවේ.
*ආරක්ෂිත හා සාධාරණ වැඩ පරිසරය – සෑම රැකියාවකම ගෞරවය හා ආරක්ෂාව සහතික කළ යුතුය.
*කම්කරු සංගම් අයිතීන් හා සාමූහික ගිවිසුම් – කම්කරු සංගම් මර්දනය කිරීම යනු ප්‍රජාතන්ත්‍රවාදය මර්දනය කිරීමයි.
*ගෝලීය සහයෝගීතාව – කම්කරු අරගල සීමාවන් ඉක්මවා එකට බැඳී ඇත.
ආර්ථික යුක්තිය සඳහා වන සටන තවමත් අවසන් වී නැත. අපි සංවිධානය වී, එක්ව සටන් කරමු. ලාභයට වඩා වැඩි වටිනාකමක් හා ගෞරවයක් ශ්‍ර‍මයට ලැබෙන ලෝකයක් ගොඩනඟමු!
සහයෝගීතාවයෙන්,
2025 මැයි 1
