କଟକ:ତା୮/୧୨: ଭାରତୀୟ କମ୍ୟୁନିଷ୍ଟ ପାର୍ଟିର ରାଜ୍ଯସ୍ତରୀୟ ଶତବାର୍ଷିକୀ ସମାରୋହ ଅଭ୍ୟର୍ଥନା କମିଟି ବୈଠକ ଆଜି ଇସକଫ କାର୍ଯ୍ୟାଳୟରେ ଅନୁଷ୍ଠିତ ହୋଇ ପାର୍ଟି ର ପ୍ରତିଷ୍ଠା ଶତବାର୍ଷିକୀ ସମାରୋହ କଟକ ଠାରେ ଆସନ୍ତା ଡିସେମ୍ବର ୨୬ତାରିଖ ଦିନ ଉଦଘାଟିତ ହେବ। ଏହି ସମାରୋହକୁ ସଫଳତାର ସହିତ ସମ୍ପନ୍ନ କରିବା ପାଇଁ ଆଜି କଟକ ବାରବାଟି ଷ୍ଟାଡିଅମ ଠାରେ ବିଜୟ ପଢିଆରୀଙ୍କ ସଭାପତିତ୍ବରେ ଅନୁଷ୍ଠିତ ଏକ ବୈଠକରେ ଶହେଜଣ ସଭ୍ଯକୁ ନେଇ ଏକ ଶତବାର୍ଷିକୀ ସମାରୋହ ପାଳନ ପ୍ରସ୍ତୁତି କମିଟି ଗଠନ କରାଯାଇଛି । ଏଥିରେ ଅଭିଭକ୍ତ କଟକ ଯଥା: କଟକ, ଯାଜପୁର, ଜଗତସିଂହପୁର, କେନ୍ଦ୍ରାପଡାର ବରିଷ୍ଠ କମ୍ୟୁନିଷ୍ଟ ନେତାମାନେ ଯୋଗଦେଇ ଏହି ନିଷ୍ପତି ଗ୍ରହଣ କରିଛନ୍ତି। କଟକ କଳାବିକାଶ କେନ୍ଦ୍ରଠାରେ ଏହା ଉଦଘାଟିତ ହେବ। ଆଜିର ଏହି ବୈଠକରେ ରାଜ୍ଯ ପାର୍ଟିର ସମ୍ପାଦକ କ.ଆଶିଷ କାନୁନଗୋ, ସମ୍ପାଦକମଣ୍ଡଳୀ ସଭ୍ଯ ଡକ୍ଟର ପ୍ରଶାନ୍ତ କୁମାର ମିଶ୍ର ,ପୂର୍ବତନ ବିଧାୟକ ଏନ.ନାରାୟଣ ରେଡ୍ଡୀ, ଜୟନ୍ତ ଦାସ, ରାଜ୍ଯ କାର୍ଯ୍ୟକାରୀ କମିଟି ସଭ୍ଯ ଅମରେନ୍ଦୁ ମହାନ୍ତି, ପ୍ରଫେସର ଅଜୟ କୁମାର ସାମଲ, ଶଶୀଭୂଷଣ ସ୍ବାଇଁ, କିଶୋର ଜେନା, ବିନୋଦ ବେହେରା, ବିଜୟ ମହାନ୍ତି, ଉଦୟ କେଶରୀ ବର୍ମା, ବିଦ୍ୟାପ୍ରସନ ମହାପାତ୍ର, ବିପିନ ପାଢୀ, ସୁନାକର ବରାଳ ପମୁଖ ଚାରି ଜିଲ୍ଲାର ନେତୃତ୍ବ ଯୋଗ ଦେଇ ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ସମାରୋହ ପୂର୍ବରୁ ଏକ ବର୍ଣ୍ଣାଢ୍ଯ ଶୋଭାଯାତ୍ରା ସହର ପରିକ୍ରମା କରିବ ।ଏହି ଅବସରରେ ସ୍ବାଧିନତା ସଂଗ୍ରାମର ନାୟକ କମ୍ୟୁନିଷ୍ଟ ନେତା ମାନଙ୍କ ତ୍ଯାଗ, ନିଷ୍ଠା, ବଳିଦାନ, ଦେଶପ୍ରେମ, ପ୍ରଗତିଶୀଳ ସାହିତ୍ୟ, ସଂସ୍କୃତି, ସାମାଜିକ ଜନ ଜୀବନ ପାଇଁ ଅତୁଳନୀୟ ଅବଦାନକୁ ସ୍ମରଣ କରାଯିବା ସହ ଗଣ ବିପ୍ଳବ ମାଧ୍ଯମରେ ଶୋଷଣ ମୁକ୍ତ ସମାଜବାଦୀ ସମାଜ ଓ ସାମ୍ୟବାଦୀ ସମାଜ ଗଠନର ସଂକଳ୍ପ ନିଆଯିଵ।
By Jayantha Das.
